بڑی اپڈیٹ! eKYC بنا گیم چینجر؛ کئی خواتین کے 1500 روپے ہمیشہ کے لیے بند ہونے کے امکانات
ممبئی: مکھ منتری لاڈکی بہن یوجنا میں اہم تبدیلی کرتے ہوئے ای-کے وائی سی لازمی قرار دی گئی ہے۔ اس نئے فیصلے کے بعد ہزاروں خواتین کے فائدے بند ہونے کا خدشہ پیدا ہوگیا ہے۔ سرکاری ذرائع کے مطابق سالانہ آمدنی 2.5 لاکھ روپے سے زیادہ ہونے والی خواتین کے درخواست فارم اب براہِ راست منسوخ کر دیئے جائیں گے۔
ای-کے وائی سی کے عمل کے ذریعے مستفید خواتین کی مکمل مالی و ذاتی معلومات سامنے آرہی ہیں۔ اسی وجہ سے **معیار پر پورا نہ اُترنے والی خواتین کے 1500 روپے ماہانہ کے فائدے مستقل طور پر بند کیے جانے والے ہیں۔ حکومت کا کہنا ہے کہ 31 دسمبر تک ای-کے وائی سی مکمل نہ کرنے والوں کے فائدے بھی خود بخود ختم ہو جائیں گے۔
یوجنا کے تحت اہلیت کے اصول مزید سخت کر دیئے گئے ہیں:
* جو درخواست گزار ای-کے وائی سی مکمل نہیں کریں گے، انہیں کوئی فائدہ نہیں ملے گا
* سالانہ آمدنی اگر 2.5 لاکھ روپے سے زیادہ ہوئی تو فائدہ فوراً بند کیا جائے گا
* ای-کے وائی سی کے دوران یہ معلومات خود بخود ظاہر ہو جائیں گی
نئے اصولوں سے بڑی تعداد میں مستفید خواتین متاثر ہو سکتی ہیں۔ حکومت کا کہنا ہے کہ یہ کارروائی اس لیے ضروری ہے تاکہ صرف حقیقی طور پر اہل خواتین کو ہی یوجنا کا فائدہ مل سکے۔
