جبل پور ہائی کورٹ کے تاریخی فیصلے کا کانگریس نے کیا استقبال، ایس سی- ایس ٹی امیدواروں کی حق تلفی پرسخت نوٹس

جبل پور: سول جج جونیئر ڈویژن بھرتی امتحان 2022 میں درج فہرست ذات (ایس سی) اور درج فہرست قبائل (ایس ٹی) امیدواروں کی کم نمائندگی کے معاملے میں جبل پور ہائی کورٹ نے ایک اہم اور تاریخی فیصلہ سنایا ہے۔ عدالت نے ایس سی۔ایس ٹی امیدواروں کے انتخاب پر نظرِ ثانی کا حکم جاری کرتے ہوئے متعلقہ کمیشن اور محکموں سے تفصیلی رپورٹ طلب کی ہے۔

یہ حکم جسٹس وویک اگروال کی سنگل بنچ نے ’ایڈوکیٹ یونین فار ڈیموکریسی اینڈ سوشل جسٹس‘ کی عرضی پر سماعت کے دوران جاری کیا۔ عرضی میں بھرتی کے قانون 194 میں ترمیم کو غیر آئینی قرار دیتے ہوئے چیلنج کیا گیا تھا۔121 ریزرو سیٹوں کے باوجود ایس ٹی سے ایک بھی امیدوار منتخب نہیں—عدالت کا سخت موقف

سول جج بھرتی 2022 میں مجموعی طور پر 199 سیٹوں کے لیے اشتہار جاری کیا گیا تھا، جن میں سے بڑی تعداد بیک لاگ عہدوں کی تھی—خصوصاً ایس ٹی طبقہ کے لیے (121 میں سے 109 بیک لاگ)۔مینس اور انٹرویو کے بعد جاری حتمی نتائج میں 89 امیدوار کامیاب قرار دیے گئے، جن میں:

او بی سی: 15،ایس سی: 3، ایس ٹی: 0 (ایک بھی انتخاب نہیں) عرضی گزار نے اسے آئینی تحفظ کے مقصد کے خلاف قرار دیتے ہوئے عدالت سے مداخلت کی اپیل کی۔

کانگریس کا خیر مقدم، 2 کروڑ قبائلیوں کے انصاف کی بات
قبائلی کانگریس کے قومی چیئرمین ڈاکٹر وکرانت بھوریا نے عدالت کے اس فیصلے کا کھلے الفاظ میں استقبال کیا۔ انہوں نے کہا:

’’یہ معاملہ صرف 121 سیٹوں کا نہیں، بلکہ مدھیہ پردیش کے 2 کروڑ قبائلیوں کے حقوق کا تھا۔ ہم مسلسل انصاف کے لیے جدوجہد کر رہے تھے۔ میں اس اہم اور سنجیدہ معاملے میں نوٹس لے کر فیصلہ سنانے کے لیے ہائی کورٹ کا شکریہ ادا کرتا ہوں۔‘‘

ڈاکٹر بھوریا نے بتایا کہ عدالت نے ایس سی امیدواروں کے لیے 45 فیصد اور ایس ٹی امیدواروں کے لیے 40 فیصد کٹ آف مقرر کرنے کے ساتھ گریس مارکس دینے کی بھی ہدایت دی ہے، اور دسمبر تک نئی فہرست پیش کرنے کا حکم دیا ہے۔

عدالت کی مزید ہدایات ہائی کورٹ نے اپنے عبوری حکم میں کہا ہے کہ:
* ایس سی-ایس ٹی امیدواروں کے انتخاب کے عمل کی از سرِ نو جانچ پڑتال کی جائے۔
* جو امیدوار اہل پائے جائیں، انہیں تقرری میں ترجیح دی جائے۔
* حتمی فیصلہ محفوظ رکھتے ہوئے معاملے کی گہرائی سے جانچ کی جائے۔