جنوبی شولاپور کے ونگی گائوں میں نجیب شیخ کی جانب سے ہیلتھ کیمپ

سولاپور (نامہ نگار)  :  سینا ندی میں سیلاب فی الحال کم ہو رہا ہے۔  دریں اثنا، بہت سے گاؤں صحت کے بڑے مسائل کا سامنا کر رہے ہیں۔  اس سنگین مسئلے کو ذہن میں رکھتے ہوئے سولاپور این سی پی اجیت پوار گروپ لیڈر نجیب شیخ نے جنوبی شولاپور کے وانگی گاؤں میں ایک ہیلتھ کیمپ کا انعقاد کیا ہے۔

اس ہیلتھ کیمپ کا افتتاح ہیلتھ ورکر بابا مستری نے کیا۔ اس موقع پر این سی پی کے شہر صدر سنتوش پوار، کارگزار صدر زبیر باغبان،  جمیر شیخ،  اجیت بنسوڑے اور دیگر معززین موجود تھے۔

اس ہیلتھ کیمپ میں ڈاکٹر حافظ جنیدی، ڈاکٹر جویریہ جنیدی کی میڈیکل ٹیم نے گاؤں والوں کی صحت کا معائنہ کیا۔ اس بار 150 سے زائد شہریوں کا معائنہ کیا گیا۔  نجیب شیخ نے بتایا کہ یہ ہیلتھ کیمپ اس ہفتہ کو بھی جاری رہے گا اور انہوں نے تمام گاؤں والوں سے اپنی صحت کی جانچ کرانے کی اپیل بھی کی ہے۔