سولاپور یونیورسٹی کا نیشنل سروس اسکیم کااتکرش مہوتسو کاانعقاد

سولاپور(اِقبال باغبان) : پونیشلوک اہلیہ دیوی ہولکر سولاپور یونیورسٹی میں نیشنل سروس اسکیم (NSS) کا 16 واں ریاستی سطح کا سماجی اور ثقافتی مقابلہ اتکرش مہوتسو سولاپور یونیورسٹی میں جوش و خروش کے ساتھ شروع ہوا۔ فیسٹیول کا افتتاح شام کو یونیورسٹی کے احاطے میں ایک شاندار اور رنگا رنگ جلوس کے ساتھ ہوئی۔

جلوس کا افتتاح یونیورسٹی کے وائس چانسلر پروفیسر ڈاکٹر پرکاش مہنور نے کیا۔ اس موقع پر پرو وائس چانسلر ڈاکٹر لکشمی کانت دما، کارگزار رجسٹرار ڈاکٹر اتل لکڈے، اسپیشل ڈیوٹی آفیسر ڈاکٹر ملند کالے، ریجنل ڈائرکٹر (مہاراشٹرا اور گوا) ڈاکٹر اجے شندے، پھول چند ناگتلک، نیشنل سروس اسکیم ڈپارٹمنٹ کے ڈائرکٹر ڈاکٹر راجندر وڈجے، اسٹوڈنٹ ڈیولپمنٹ ڈپارٹمنٹ کے ڈائرکٹر ڈاکٹر کیدارناتھ کالوانے، ڈاکٹر سانوی جیٹھوانی، ڈائرکٹر ایگزامینیشن ڈپارٹمنٹ ڈاکٹر شریکانت آندھرے، فائنانس اینڈ اکاؤنٹس آفیسر سی اے مہادیو کھراڈے، فیکلٹی آف ہیومینٹیزکے ڈین ڈاکڑ اِقبال تمبولی، منیجمنٹ کونسل کے ممبر پروفیسر دیوآنند چلونت، راجا سرودے، ایم۔ ڈی۔ کامبلے وغیرہ موجود تھے۔

اس فیسٹیول میں مہاراشٹر کی 16 یونیورسٹیوں کے تقریباً ساڑھے تین سو نیشنل سروس اسکیم کے رضاکاروں نے حصہ لیا ہے، اور اس فیسٹیول کا مقصد نوجوانوں میں سماجی بیداری، ثقافتی اظہار اور قائدانہ خصوصیات کے لیے ایک پلیٹ فارم مہیا کرنا ہے۔ مختلف یونیورسٹیوں جیسے ممبئی، پونے، ناگپور، گڈچرولی، امراوتی، شیواجی یونیورسٹی، کولہاپور وغیرہ کے رضاکاروں نے روایتی لباس میں جلوس میں شرکت کی۔ علاقہ ڈھول اور جھانجھ کی آوازوں، حب الوطنی کے نعروں، لوک آرٹ پرفارمنس اور سماجی پیغام کے بورڈز سے بھر گیا۔

فیسٹیول کا افتتاح کرتے ہوئے وائس چانسلر پروفیسر ڈاکٹر پرکاش مہنور نے تمام رضاکاروں کا خیرمقدم کیا۔ انہوں نے کہا کہ نوجوانوں میں سماجی وابستگی، رضاکاریت کے جذبے اور ثقافت کے تحفظ کے لیے نیشنل سروس اسکیم کا تعاون قابل قدر ہے۔ انہوں نے کہا، ’’اتکرش مہوتسو‘‘ صرف مقابلہ کا پروگرام نہیں ہے بلکہ نوجوانوں کی ہمہ جہت ترقی کے لیے ایک اہم اقدام ہے۔
یہ فیسٹیول تین دن تک مختلف سماجی اور ثقافتی مقابلوں کا انعقاد کیا گیا ہے۔ اتکرش مہوتسو سماجی مسائل، ماحولیاتی تحفظ، خواتین کو بااختیار بنانے، آئینی اقدار اور قومی یکجہتی پر توجہ مرکوز کرے گا۔