مولانا سید حبیب بن جعفر العیدروس رحمۃ اللہ علیہ انتقال کر گئے

حیدرآباد، 28 اکتوبر روحانیت و علم کے درخشاں مینار، سلسلہ عیدروسیہ کے معروف بزرگ و عالمِ دین حضرت سید حبیب بن جعفر العیدروس رحمۃ اللہ علیہ آج دوپہر تقریباً ایک بج حیدرآباد میں اس دارِ فانی سے کوچ فرما گئے۔انا للہ وانا الیہ راجعون۔

حضرت کی نمازِ جنازہ آج بروز منگل، 28 اکتوبر، شام 7:30 بجےتاریخی مکہ مسجد، نزد چارمینارمیں ادا کی جائے گی، جب کہ تدفین قطعه صالحین احاطہ، نزد نامپلیمیں عمل میں آئے گی۔

حضرت سید حبیب بن جعفر العیدروس کا تعلق مشہور سلسلہ عیدروسیہ سے تھا، جو برصغیر میں روحانی فیوض و برکات کا ایک قدیم اور معتبر سلسلہ مانا جاتا ہے۔ آپ نے عمرِ عزیز کا بیشتر حصہ تبلیغِ دین، اصلاحِ معاشرہ، اور خدمتِ خلق کے لیے وقف کیا۔ علم و معرفت کے ساتھ آپ کے اخلاق و خلوص نے ہزاروں دلوں کو متاثر کیا۔

آپ کے تلامذہ، مریدین اور چاہنے والے آج نہایت غم و اندوہ میں مبتلا ہیں۔ شہرِ حیدرآباد سمیت ملک و بیرونِ ملک سے بھی علما و مشائخ نے آپ کے انتقال پر گہرے رنج و افسوس کا اظہار کیا ہے۔

حضرت کے خادم، جناب کمال الدین صدیقی (ساجد)نے بتایا کہ حضرت نے اپنی پوری زندگی قرآن و سنت کی روشنی میں لوگوں کی رہنمائی کی، اور ہمیشہ اخلاص، محبت اور انسانیت کا پیغام دیا۔

اللہ رب العزت سے دعا ہے کہ وہ مرحوم کو **جنت الفردوس میں اعلیٰ مقامعطا فرمائے، ان کی دینی و روحانی خدمات کو قبول کرے، اور پسماندگان و معتقدین کو صبرِ جمیل عطا فرمائے۔
آمین ثم آمین۔