مَالاکولی پولیس کی بڑی کارروائی، دو ہائیوا گاڑیاں اور 10 براس غیر قانونی ریت ضبط، کل 40.50 لاکھ مالیت کا سامان برآمد
ناندیڑ: ضلع ناندیڑ کے تعلقہ لوہا کے مَالاکولی پولیس اسٹیشن کی حدود میں غیر قانونی ریت کی منتقلی کے خلاف بڑی کارروائی انجام دی گئی ہے۔ پولیس نے دو ٹپر (ہائیوا) گاڑیوں کے ساتھ تقریباً 10 براس غیر قانونی ریت برآمد کی، جس کی مجموعی مالیت تقریباً 40 لاکھ 50 ہزار روپے بتائی گئی ہے۔ اس کیس میں دو نامعلوم ملزمان کے خلاف مقدمہ درج کرلیا گیا ہے۔
یہ کامیاب کارروائی پولیس سپرنٹنڈنٹ جناب ابیناش کمار، ایڈیشنل پولیس سپرنٹنڈنٹ ڈاکٹر کھنڈیراؤ دھرنے (بھوکَر)، سُورج گرو (ناندیڑ) اور سب ڈویژنل پولیس افسر ڈاکٹر اشوِنی جگتاپ (کندھار) کی رہنمائی میں انجام دی گئی۔
کارروائی میں شامل افسران:
اسسٹنٹ پولیس انسپکٹر جناب سنجے ڈی. نیلپترےوار (پولیس اسٹیشن مَالاکولی)
پولیس اہلکار: پو۔ہیڈ کانسٹیبل 2308 نام دیو راٹھوڑ، پولیس کانسٹیبل 2905 اشوک فڈ، پولیس کانسٹیبل 2925 اتُل کشرساگر
ضبط شدہ مال کی تفصیل:
ٹپر نمبر MH-26-BE-8201 (ٹاٹا کمپنی) میں تقریباً 5 براس غیر قانونی ریت (تخمینی قیمت ₹25,000) اور گاڑی کی قیمت تقریباً ₹20,00,000، مجموعی مالیت: ₹20,25,000
ٹپر نمبر MH-26-CH-2409 (بھارت بینز کمپنی) میں بھی 5 براس ریت (قیمت ₹25,000) اور گاڑی کی قیمت تقریباً ₹20,00,000، مجموعی مالیت: ₹20,25,000
دونوں گاڑیوں سمیت کل 40 لاکھ 50 ہزار روپے کا سامان ضبط کیا گیا ہے۔ پولیس نے معاملے کی مکمل تفتیش شروع کردی ہے اور جلد ہی ملزمان کی شناخت کر کے قانونی کارروائی کی جائے گی۔
