ناندیڑ ریلوے اسٹیشن پر حاجیوں کا پرتپاک استقبال

ناندیڑ، 24 مئی 2025: نیشنلسٹ کانگریس پارٹی راشٹروادی کانگریس پارٹی (اجیت پوار گروپ) ناندیڑ کی جانب سے اس سال حج پر روانہ ہونے والے حاجیوں کا پرتپاک استقبال کیا گیا۔ ناندیڑ ریلوے اسٹیشن پر رکن اسمبلی پرتاپ پاٹل چکلےکر نے اپنے ہاتھوں سے حاجیوں کو پھولوں کے ہار اور شال پیش کر کے نیک تمناؤں کے ساتھ رخصت کیا۔

اس موقع پر متعدد اہم شخصیات موجود تھیں، جن میں دھرمادھیکاری جیون گھوگھرے پاٹل، محمد خان پٹھان، غفار خان، محسن خان، صابر چاؤش، محمد محیت، رضوان قریشی، امیر خان اور ایڈووکیٹ شیخ آریان شامل تھے۔ ان کے علاوہ دیگر کئی افراد نے بھی حاجیوں کو الوداع کہا۔

پرتاپ پاٹل چکلےکر نے حاجیوں کے بہتر سفر اور کامیاب حج کی دعا کی اور کہا کہ اللہ تعالیٰ ان کی عبادتیں قبول فرمائے اور انہیں صحت و سلامتی کے ساتھ واپس لے آئے۔ اس موقع پر موجود عوام نے بھی حاجیوں کے لیے نیک خواہشات کا اظہار کیا۔