شیوائی الیکٹرک بس میں معذور افراد کے لیے نشستیں تو مخصوص، مگر "ون فورتھ” ٹکٹ کی سہولت ندارد!
ناندیڑ نمائندہ: ریاستی حکومت کی جانب سے مہاراشٹرا اسٹیٹ روڈ ٹرانسپورٹ کارپوریشن (ایس.ٹی. مہامं) کے تحت بڑی تعداد میں اے سی (وَاتانُکُلیت) بسی متعارف کروائی گئی ہیں، جن میں "شیوشاہی” اور "شیوائی” جیسی الیکٹرک بسیں بھی شامل ہیں۔ ان بسوں کو عوامی سہولت کے لیے مختلف اضلاع میں سروس پر لگایا گیا ہے۔ ناندیڑ ڈیپو سے بھی شیوائی الیکٹرک بسیں باقاعدہ چلائی جا رہی ہیں، تاہم یہاں ایک سنگین مسئلہ سامنے آیا ہے۔
شیوائی الیکٹرک بسوں میں اگرچہ معذور افراد کے لیے مخصوص نشستیں فراہم کی گئی ہیں، *لیکن ان کے لیے "ون فورتھ” (ایک چوتھائی) کرایہ رعایت کی سہولت موجود نہیں ہے۔
اس غیر منصفانہ رویے کے باعث معذور افراد کو شدید مشکلات کا سامنا کرنا پڑ رہا ہے۔
آج ناندیڑ بس اسٹینڈ پر کچھ معذور مسافروں نے جب ناندیڑ سے ہڈگاؤں جانے کے لیے شیوائی بس میں سفر کرنا چاہا، تو کنڈکٹر نے انہیں بتایا کہ "ون فورتھ” ٹکٹ کی سہولت اس بس میں دستیاب نہیں ہے۔ اس اطلاع کے بعد مسافروں نے فوری طور پر سکل دیویانگ سنگھٹنا کے عہدیداروں سے رابطہ کیا۔
تنظیم کے صدر راہول سالوے، اور چمپت راؤ ڈاکورے، نے دیگر عہدیداروں کے ہمراہ موقع پر پہنچ کر ڈپو افسران، ڈرائیور اور کنڈکٹر سے تقریباً دو گھنٹے طویل تبادلہ خیال،کیا۔ معذوروں کے حق میں مضبوط موقف اختیار کرنے کی وجہ سے کچھ دیر کے لیے بس اسٹینڈ پر تناؤ کی صورتحال پیدا ہوگئی اور کئی بسیں عارضی طور پر روک دی گئیں۔
بالآخر، ڈپو مینیجر کی جانب سے زبانی طور پر اس مسئلے کے حل کی یقین دہانی کرائی گئی۔ تاہم، سکل دیویانگ سنگھٹنا نے مطالبہ کیا ہے کہ صرف زبانی وعدوں پر اکتفا نہ کیا جائے، بلکہفوری طور پر "ون فورتھ” کرایہ رعایت کو نافذ** کیا جائے، تاکہ معذور افراد کے ساتھ ہونے والی ناانصافی کا ازالہ ہو۔
تنظیم نے مزید کہا کہ ریاستی حکومت دیگر شعبوں جیسے ہوائی جہاز، ریلوے، وغیرہ میں معذور افراد کو خاطر خواہ رعایت دیتی ہے، تو پھر شیوائی اور سلیپر کوچ بسوں میں یہ سہولت کیوں نہیں؟ اسی پس منظر میں تنظیم نے اعلان کیا ہے کہ وہ اس اہم مسئلے کو ریاستی وزیرِ ٹرانسپورٹ کے سامنے رکھیں گے۔
اس موقع پر آتک حسین، کارتک کمار بھرتی پورم، شیخ وسیم، پریم کمار ویدیا، شیخ ماجد، ہنمتراؤ راوت، سنتوش وٹموار، پَنھالے سمیت کئی دیگر عہدیداران اور کارکنان موجود تھے۔
