شروڈا ویلاگر ساحل سمندر پر دل دہلا دینے والی حادثہ – 8 سیاح ڈوب گئے، 3 ہلاک، تلاش جاری
سِنْدھو دُرگ (نمائندہ) : ضلع کے معروف سیاحتی مقام شروڈا ویلاگر ساحل سمندر پر آج ایک دل دہلا دینے والا حادثہ پیش آیا۔ سمندر میں تفریح کے لیے جانے والے 8 سیاحوں کو لہر نے بہا لیا۔ ابتدائی اطلاع کے مطابق تین افراد ہلاک ہو چکے ہیں، تین کو بچا لیا گیا ہے جبکہ دو افراد لاپتہ ہیں اور ان کی تلاش جاری ہے۔ یہ واقعہ ضلع میں ہلچل مچا گیا۔
ہلاک شدگان میں فرحان عرفان کتّور (34 سال، رہائشی لونڈھا، بیلگاو)، اباد عرفان کتّور (13 سال، رہائشی لونڈھا، بیلگاو) اور نمیرہ آفتاب اختر (16 سال، رہائشی اللہور، بیلگاو) شامل ہیں۔ بچ جانے والوں میں اسرا عمران کتّور (17 سال، رہائشی لونڈھا، بیلگاو) شامل ہیں جنہیں فوری طبی امداد کے لیے ہسپتال منتقل کیا گیا۔
لاپتہ افراد میں عرفان محمد اسحاق کتّور (36 سال، رہائشی لونڈھا، بیلگاو)، ایکوان عمران کتّور (15 سال، رہائشی لونڈھا، بیلگاو)، فرحان محمد منیار (20 سال، رہائشی کودال، سِنْدھو دُرگ) اور ذاکِر نصار منیار (13 سال، رہائشی کودال، سِنْدھو دُرگ) شامل ہیں۔ مقامی لوگ، پولیس اور ایمرجنسی ٹیمیں ان کی تلاش میں مصروف ہیں۔
حادثے کی اطلاع ملتے ہی سیاحوں کے اہل خانہ ساحل پر پہنچ کر شدید غم و غصے کا اظہار کیا۔ آرام اور تفریح کے لیے آئے ہوئے خاندانوں پر یہ المناک حادثہ ایک صدمہ بن گیا۔
ادھر، محکمہ موسمیات نے ریاست میں آنے والے چند دنوں کے دوران موسمی تبدیلیوں کی نشاندہی کی ہے۔ خاص طور پر کوکن ساحل پر بارش کے ساتھ سمندر کا ہلنا متوقع ہے، لہٰذا سیاحوں اور مقامی لوگوں کو محتاط رہنے کی ہدایت دی گئی ہے۔
