سلمان خان اپرووا لاکھیہ کی فلم میں کرنل بکو ملا سنتوش کا کردار نبھائیں گے

سلمان خان نے ’’گلوان ویلی تنازع‘‘ پرمبنی اپرووا لاکھیہ کی فلم کیلئے حامی بھرلی ہے۔ فلم کے پری پروڈکشن کی شروعات جولائی کے دوسرے ہفتے میں ہوگی۔ سلمان خان اس فلم میں کرنل بکو ملا سنتوش بابو کا کردار نبھائیں گے۔

سلمان خان نے اپرووا لاکھیہ کی وار ڈراما فلم کیلئے حامی بھر لی ہے جو ’’گلوان ویلی تنازع‘‘پرمبنی ہوگی۔ رپورٹس کے مطابق ’’سلمان خان فلم میں کرنل بکو ملہ سنتوش بابو کا کردار نبھائیں گے۔‘‘ مڈڈے کے قریبی ذرائع نے بتایا ہے کہ ’’کرنل بکو ملا سنتوش بابو ایک دلیر کردار ہے۔ انہوں نے کئی انسداد مخالف اور دراندازی کے آپریشن میں حصہ لیا تھا۔ فلم کے ہدایتکار نے فلم کے پہلے چیپٹر ’’آئی ہیڈ نیور سین سچ فیئرس فائٹنگـ۔ گلوان تصادم‘‘ جون ۲۰۲۰ء کے حقوق حاصل کر لئے ہیں۔ یاد رہے کہ یہ ’’گلوان ویلی تصادم‘‘ میں ہونے والا پہلا حملہ ہے۔ فلم کا اسکرین پلے سریش نائر نے چنتن گاندھی اور چنتن شاہ سے حاصل کر لیا ہے اور فلم کی مکالمہ نگاری بھی کی جارہی ہے۔‘‘

فلم کے پری پروڈکشن کی شروعات جولائی کے دوسرے ہفتے میں ہوگی
ٖفلم کے پری پروڈکشن کی شروعات جولائی کے دوسرے ہفتے میں ہوگی اور شوٹنگ کے ۷۰؍ دن میں ختم ہونے کے امکانات ہیں۔ فلم کی شوٹنگ ممبئی کے مختلف مقامات اور لداح میں ہوگی۔‘‘ ذرائع کی رپورٹ میں مزید کہا گیا ہے کہ ’’سلمان خان کو فلم کی کہانی پسند آئی ہے اور وہ مئی کے آخرتک فلم کی تیاری شروع کریں گے۔ انہوں نے پنویل میں اپنے فارم ہاؤس میں فلم کی تیاری کیلئے جسمانی کسرت بھی شروع کردی ہے۔‘‘

فلم کی کہانی اپرووا لاکھیہ نے مشہور کتاب ’’انڈیا موسٹ فیئرلیس ۳‘‘ (۲۰۲۰ء ) میں کرنل بکو ملا سنتوش کی کہانی سے فلم کا اسکرین پلے تیار کرنے کا فیصلہ کیا ہے جسے مشہور صحافی شیو ارور اور راہل سنگھ نے تصنیف کیا ہے۔ یہ دونوں، جو فوج اور دیگر تحفظاتی معاملات پر اپنی کتابوں کیلئے مشہور ہیں، فی الحال ہند پاک تنازع پر رپورٹنگ کر رہے ہیں۔