لاتور (محمد مسلم کبیر) لاتور ضلع کے اُدگیر میونسپلٹی میں منظور شدہ معاون اراکین کے انتخاب میں یہ توقع کی جارہی تھی کہ کانگریس کی تقابلی طاقت کے مطابق کانگریس پارٹی کا ایک منظور شدہ معاون رکن ہوگا۔ شیخ احمد سرور نے کانگریس سے منظور شدہ معاون رکنیت کے لیے ضلع کلکٹر کے پاس پرچہ نامزدگی داخل کیا تھا۔ ان کی نامزدگی درست پائی گئی۔ تاہم، ڈاکٹر بالاجی دگمبر بیرادار نے نیشنلسٹ کانگریس – بی جے پی اتحاد سے چوتھے منظور شدہ رکنیت کے لیے پرچہ نامزدگی داخل کیا تھا۔
بی جے پی اتحاد نے مجلس اتحاد المسلمین کے دو اراکین کی حمایت حاصل کرنے میں کامیاب ہو گئے۔ اور مجلس کے دونوں اراکینِ نے ضلع کلکٹر لاتور ، صدر بلدیہ کو ایک مکتوب پیش کیا جس میں کہا گیا کہ ایم آئی ایم کے دونوں منتخب رکن بلدیہ، سید طاہر حسین معین الدین اور شیخ حنا مکرم جاگیردار، بی جے پی اتحاد کے امیدوار ڈاکٹر بالاجی بیرادار کی حمایت کر رہے ہیں۔ اس طرح ایم آئی ایم کی حمایت کی وجہ سے بی جے پی-نیشنلسٹ کانگریس اتحاد کو چوتھا منظور شدہ معاون رکن مل گیا ہے۔
