پرانا مونڈھا تا نیا پل روڈ 15 جون تک ٹریفک کے لیے بند، ٹریفک کو متبادل راستوں پر موڑ دیا گیا
ناندیڑ، 10 جون — ناندیڑ شہر میں پرانا مونڈھا سے لے کر گوداوری ندی پر بنے نئے پل تک جانے والا راستہ 15 جون 2025 تک ہر قسم کی گاڑیوں کے لیے بند رہے گا۔ ریاستی شاہراہ نمبر 256 اور ناندیڑ-لاتور روڈ پر سیمنٹ کنکریٹ روڈ، نالیوں کی تعمیر، ڈیوائیڈر اور سنگم پوائنٹ کی بہتری کے کام جاری ہیں، جس کے سبب یہ فیصلہ لیا گیا ہے۔
متبادل راستہ: پرانا مونڈھا → وزیرآباد → کوٹھا → روینیگر → شرما ٹریولز دفتر (کوٹھا)
مکمل بند راستہ: پرانا مونڈھا تا شرما ٹریولز دفتر کوٹھا روڈ تمام گاڑیوں کے لیے بند کر دیا گیا ہے۔
پولیس اور عوامی تعمیری محکمہ کو ہدایات: پولیس سپرنٹنڈنٹ کو قانون و نظم کی برقراری کے لیے ضروری قدم اٹھانے کے احکامات دیے گئے ہیں۔
عوامی تعمیری محکمہ کو روڈ بلاک، متبادل راستہ بورڈ اور دیگر ضروری سائن بورڈ نصب کرنے کی ہدایت جاری کی گئی ہے۔
انتظامیہ نے عوام سے اپیل کی ہے کہ وہ 15 جون تک متبادل راستوں کا استعمال کریں اور تعاون کریں۔
