بھارت میں پاسپورٹ بنوانا مہنگا، یکم جولائی 2026 سے نئی فیس نافذ
بھارت میں پاسپورٹ بنوانا اب مہنگا ہونے والا ہے۔ مرکزی حکومت نے پاسپورٹ اور ٹریول ڈاکیومنٹس کی فیس میں اضافہ کر دیا ہے، جس کے نئے نرخ یکم جولائی 2026 سے نافذ ہوں گے۔ نئی فیس کے تحت عام اور تتکال دونوں زمروں میں درخواست دہندگان کو زیادہ رقم ادا کرنی ہوگی۔
18 سال سے زائد عمر کے افراد کے لیے نئی فیس
عام زمرے میں نئے یا تجدید شدہ پاسپورٹ کے لیے 2500 روپے جبکہ تتکال زمرے میں 5000 روپے فیس مقرر کی گئی ہے۔
60 صفحات والے پاسپورٹ کے لیے عام فیس 3500 روپے اور تتکال فیس 6000 روپے ہوگی۔
پاسپورٹ گم ہونے یا خراب ہونے کی صورت میں نئے پاسپورٹ کے لیے عام زمرے میں 5000 روپے اور تتکال میں 7500 روپے ادا کرنے ہوں گے۔
18 سال سے کم عمر بچوں کے لیے فیس
بچوں کے نئے یا تجدید شدہ پاسپورٹ کے لیے عام فیس 1750 روپے جبکہ تتکال فیس 4250 روپے ہوگی۔
گمشدہ یا خراب پاسپورٹ دوبارہ بنوانے کے لیے عام فیس 4250 روپے اور تتکال فیس 6750 روپے مقرر کی گئی ہے۔
دیگر سرٹیفکیٹس کی نئی فیس
پی سی سی (Police Clearance Certificate)، سرنڈر سرٹیفکیٹ اور گلوبل انٹری پروگرام ویریفکیشن کے لیے 750 روپے فیس رکھی گئی ہے۔
سرٹیفکیٹ آف آئیڈینٹیٹی کے لیے 1000 روپے فیس مقرر کی گئی ہے۔
جبکہ ایمرجنسی سرٹیفکیٹ پہلے کی طرح مفت فراہم کیا جائے گا۔
نئی فیس میں اضافے سے بیرونِ ملک سفر کی منصوبہ بندی کرنے والے شہریوں کے اخراجات میں اضافہ ہوگا۔
